Valverde s’pendohet që e grushtoi Baenan

12:41 | 15 Prill 2023
K.B

Federico Valverde ka këmbëngulur se nuk pendohet që e goditi Alex Baenan pas humbjes së Real Madridit nga Villarreali gjatë javës së kaluar.

Valverde e goditi Baenën në fytyrë gjatë një sherri në parking në Bernabeu teksa mesfushori spanjoll po hipte në autobusin e ekipit, transmeton Klankosova.tv.

Baena që atëherë ka zgjedhur të ngreh akuzë pas incidentit dhe Villarreal konfirmoi në një deklaratë të dielën mbrëma se policia tani do të përfshihet.

Megjithatë, pavarësisht polemikave që pasuan, burimet i thanë The Athletic se Valverde nuk është penduar për veprimet e tij dhe është i vendosur të qëndrojë në pretendimin e tij se Baena kishte fyer më parë gruan e tij shtatzënë nëse çështja përfundon në gjykatë.

Ylli i Villareal e ka mohuar që ka bërë një gjë të tillë./kk

Shpërndaje në rrjete sociale

Lajmet më të lexuara

Të ngjashme

Foto lajm